स्वातंत्र्य दिन २०२५: PM मोदींच्या ‘नव्या भारता’साठी MyGov स्पर्धांमध्ये सहभागी व्हा!

स्वातंत्र्य दिन २०२५: पंतप्रधान मोदींच्या ‘नव्या भारता’च्या निर्मितीत व्हा सामील! MyGov वर देशप्रेमाचा उत्सव

नवी दिल्ली: स्वातंत्र्य दिनाची (Independence Day) चाहूल लागताच सगळीकडे एक वेगळाच उत्साह संचारतो. गाडीवर लागलेला तिरंगा, घरांवरची रोषणाई आणि मनात देशप्रेमाची भावना… पण यंदा हा उत्सव केवळ झेंडावंदनापुरता मर्यादित राहणार नाहीये. पंतप्रधान नरेंद्र मोदी यांच्या ‘जन भागीदारी’ म्हणजेच लोकांच्या सहभागाच्या संकल्पनेतून साकारलेले ‘मायगव्ह’ (MyGov) हे डिजिटल व्यासपीठ, संरक्षण मंत्रालयाच्या (Ministry of Defence) साथीने थेट तुमच्यापर्यंत हा उत्सव घेऊन आले आहे.

‘मायगव्ह’ (MyGov) ने अशा काही भन्नाट स्पर्धा आणि उपक्रमांची घोषणा केली आहे, ज्यात सहभागी होऊन तुम्ही घरबसल्या स्वातंत्र्य दिनाच्या उत्सवात सामील होऊ शकता आणि आकर्षक बक्षिसंदेखील जिंकू शकता!

चला तर मग, पाहूया या वर्षीच्या स्वातंत्र्य दिनानिमित्त ‘मायगव्ह’ (MyGov) च्या माध्यमातून तुमच्यासाठी काय काय खास आहे.

रंगांमधून सांगा ‘नव्या भारता’ची गोष्ट! (Painting Competition on New India, Empowered India)

पंतप्रधान नरेंद्र मोदी यांच्या ‘नव्या भारता’ची संकल्पना तुमच्या मनात कशी आहे? तो अधिक सशक्त, अधिक प्रगत, अधिक आत्मनिर्भर कसा असेल? हे आता तुम्ही फक्त विचार करून नका, तर तुमच्या रंगांमधून आणि कुंचल्यातून थेट जगासमोर मांडा. ‘नवा भारत, सशक्त भारत’ (New India, Empowered India) या संकल्पनेवर आधारित चित्रकला स्पर्धेत तुम्ही तुमच्या भावनांना कॅनव्हासवर उतरवू शकता.

इतिहासाला द्या ‘रील’ची जोड! (Reel Competition: Walk to The Monuments/Sites of Indian Independence)

आजकाल इन्स्टाग्राम (Instagram) आणि फेसबुकवर (Facebook) रिल्स बनवण्याचा ट्रेंड आहे. मग हीच कला देशासाठी का वापरू नये? ‘मायगव्ह’ (MyGov) ने तरुणाईला आकर्षित करणारी एक अनोखी स्पर्धा आणली आहे. तुमच्या शहरात किंवा जवळ स्वातंत्र्यलढ्याशी जोडलेलं एखादं स्मारक, एखादी ऐतिहासिक जागा नक्कीच असेल. त्या ठिकाणी जा, तिथला इतिहास जाणून घ्या आणि त्यावर एक छोटीशी, पण प्रभावी रील (Reel) बनवा.

लेखणीतून व्यक्त करा देशाभिमान! (Essay Competition On Operation Sindoor)

जर तुमच्या विचारांमध्ये ताकद असेल आणि शब्दांवर तुमची पकड असेल, तर ही स्पर्धा तुमच्यासाठीच आहे. ‘ऑपरेशन सिंदूर – दहशतवादाविरुद्ध भारताच्या धोरणाची पुनर्परिभाषिती’ (Operation Sindoor- Redefining India’s policy against terrorism) यासारख्या अतिशय महत्त्वाच्या आणि गंभीर विषयावर सरकार तुमचं मत जाणून घेऊ इच्छित आहे.

ज्ञानाच्या मैदानात व्हा सामील! (Various Quizzes)

पुस्तकं वाचायचा कंटाळा येतो, पण सामान्य ज्ञान (General Knowledge) वाढवायचंय? मग ‘मायगव्ह’ (MyGov) वर सुरू असलेल्या प्रश्नमंजुषांमध्ये नक्की भाग घ्या.

• ‘भारत रणभूमी’ (Quiz on Bharat Ranbhoomi- Border of India): यातून तुम्हाला आपल्या देशाच्या सीमा आणि त्यांच्या रक्षणाबद्दल रंजक माहिती मिळेल.
• ‘नव्या भारताच्या निर्मितीत महिलांचे योगदान’ (Quiz on Role of Women in Shaping the New India): यातून देशाच्या प्रगतीत महिलांच्या योगदानाची ओळख होईल.
• ‘आत्मनिर्भर इनोव्हेशन’ (Quiz on Rise of Aatmanirbhar Innovation in National Security): राष्ट्रीय सुरक्षेत भारताची आत्मनिर्भरता कशी वाढत आहे, यावरही एक खास क्विझ आहे.

मग विचार काय करताय?

‘मायगव्ह’ (MyGov) ने आयोजित केलेले हे उपक्रम म्हणजे केवळ स्पर्धा नाहीत, तर पंतप्रधान नरेंद्र मोदी यांच्या ‘सबका साथ, सबका विकास, सबका विश्वास आणि सबका प्रयास’ या मंत्राला अनुसरून देशाच्या प्रत्येक नागरिकाला राष्ट्रनिर्माणात सहभागी करून घेण्याचा एक प्रयत्न आहे.

त्यामुळे, उचला तुमचा मोबाईल, भेट द्या ‘मायगव्ह’च्या वेबसाइटला (mygov.in) आणि तुमच्या आवडीच्या स्पर्धेत भाग घेऊन या स्वातंत्र्य दिनाचा उत्सव एका नव्या अंदाजात साजरा करा.